الفرخة
فاكرين اما قلت :"و بعد كده اتقسمنا مجموعات عشان نكتب فيلم سوي للاسف كنت رئيسة المجموعة و الحمدلله المجموعة كانوا منفضنلي كان في شوية افكار بعد كده اما عرضناها علي المدرب اختار فكرتي بعد كده حاولنا نشتغل عليها سوا و بعد كده المدرب خلانا ناخد السيناريو في اتجاه مختلف ، ففي اخر محاضرة كتبتها بناء علي روئيته كان طلب مننا نكتب سيناريو بس اما طلب ده كان عاليوم اللي قبلها علي طول فكتبتها و بعتها المهم البوست اللي بعد الجاية هنشرها
"و اتمني ان يوم مالايام اكتبها علي حسب رؤيتي ليها مع اني مش فكراها قوي هو الاختلاف كان في شوية مشاهد
طبعاً مش فاكرين محدش بيقرا اصلاً ماعلينا 😁
ده السيناريو اللي المفروض اشتركت فيه انا و المجموعة (شيماء و محمود و نرمين)
و تحت اشراف محمد المدرب بتاعنا
محمود كان رأيه ان الفكرة مشابهة لفيلم علي معزة و ابراهيم بس ولا انا ولا المدرب كنا شفناه قبل كده
و انا و محمود كنا كتبنا كام مشهد بس كانوا اكتر رايحين لاتجاه عكس اللي فدماغي خالص و كنا مسميين الفرخة سلوي فسمينا الفيلم عقدة سلوي
سلوي دي كانت مديرتي وقتها و كانت صعبة جداً
مش عارفة لسه اللي كتبناه عندي ابقي اكتبه مرة تانية ولا لا
و اصلا كان معظم افكار المشاهد بتاعة محمود وانا مكنتش مقتنعة بيها و اصلا كنا بنشد مع بعض دايما طول الورشة
عشان كده المدرب حطنا سوا عشان يتفرج علي خناقتنا
دلوقتي اسيبكوا مع سيناريو الفرخة
المفروض الكلام بيبقي ليه ترتيب عاليمين ولا فالنص و الخط تخين ولا رفيع بس بصراحة بلوجر هيشلني و مرضيش ينقل الكلام بنفس الفورمات
نحاول المرات الجاية
....
الفرخة
محمود شاب لديه عقدة من الفراخ ،يجد نفسه مجبر علي العيش مع دجاجة عندما يخبره والد خطيبته نهي بان هذا شرطه لاتمام الزواج ،ثم تتطور الاحداث عندما يطلب منه ذبح الدجاجة.
مشهد خارجي/نهار/الشارع/خارج منزل محمود:
شارع فرعي به بعض السيارات المركونة وهناك رجل يركب سيارته و اولاد يرتدون ملابس المدرسة يركبون باص ،وشخص يفتح احد المحلات وشخص اخر يكنس امام محل اخر،يسير محمود بالطريق مرتديا بدلة وهو شاب متوسط الطول رفيع،يري محمود عربة محملة بالدجاج تسير في اتجاهه فيدخل في شارع جانبي سريعا وهو مرتعب.
مشهد داخلي/نهار/ميكروباص:
محمود جالس في تاني كرسي خلف السائق في المنتصف علي اليمين امراة وعلي اليسار رجل ،والميكروباص ممتلئ بالركاب ،محمود ينظر في اتجاه الشباك الامامي ،عند مرور الميكروباص بجوار اعلان دجاج مقلي يقوم محمود بوضع يده علي جبهته وعينه وخفض راسه سريعاً ،يتعجب الجالسون الي جواره.
مشهد داخلي/نهار/بنك:
المكان عبارة عن بارتشينز فوقها أوراق و ادوات مكتبية امام بعضها يجلس اشخاص ،و يتحرك البعض جيئة و ذهاباً حاملين اوراق ، يجلس محمود في الطرف في اتجاه النافذة و في جانب المكتب كرسي يجلس عليه احد العملاء.
من الجهة الاخري يجلس احد زملاء محمود و يقف الي جواره زميلين اخرين يتهامسون .
يقف محمود ممسكاً ورقة.
محمود:دقيقة واحدة هختمها وارجع لحضرتك تاني.
يومئ العميل برأسه.
صوت دجاجة.
يقفز محمود فزعاً.
صوت ضحك زملاءه.
مشهد خارجي/نهار/خارج محل دجاج:
قرب الغروب، يقف محمود في الجهة الاخري من محل دجاج و مديراً ظهره يضع هاتف محمول علي اذنه.
مشهد داخلي /نهار/داخل محل الدجاج:
المكان ابيض اللون علي اليمين توجد اقفاص مملؤة بالدجاج الحي ، توجد بعض الكراسي علي اليسار والي جوار صناديق الدجاج ويوجد شخص جاس علي احدها ،توجد بعد منتصف المحل منصة (شبه البوفيه) خشبية بينها و بين الحائط علي اليسار باب صغير موازي لها مؤدي لخلف المنصة.
تستند نهي الي المنصة من جهة الخارج وهي فتاة قصيرة لها شعر اسود يصل لكتفها و امامها والدها ممسكا بدجاجة في يد وسكين بالاخري وهو رجل في الخمسينات من عمره سمين له شارب كثيف مرتدي جلباب خلفه يوجد عاملين احدهم يجهز دجاجة والاخر منتظر.
اصوات دجاج و الة و تقطيع بالخلفية وصوت رنين من هاتف نهي.
نهي:سلام بقي يابابا محمود مستنيني.
والدها:اندهيله يسلم عليا.
نهي:ماانت عارف يابابا محمود عنده مشكلة مع الفراخ.
والدها:وبعدين.
نهي:وبعدين ايه هنعمل ايه بقي
والدها:ايه اللي هنعمل ايه ازاي هيتجوزك وهو مبيقدرش يقرب من فرخة،ده ايه الرجال ده.
نهي :معلش يابابا بس انت عارف ان عنده عقدة وكمان محمود حد كويس.
والدها:مليش فيه ،افرض انا مت ولا عييت ميين هيمسك المحل .
نهي:بعد الشر عليك يابابا
والدها:ولا شر ولا خير مفيش جواز مالواد ده طول ما هو مايع كده و مبيستحملش الفراخ
لو عند عقدة اعالجهاله.
يتقدم و يتجه لاقفاص الدجاج ينتقي دجاجة بيضاء كبيرة و يمسك بها من اجنحتها و يخرج من المحل و خلفه نهي متوترة.
مشهد خارجي/نهار/خارج محل دجاج:
يقف محمود في الجهة الاخري من محل دجاج و مديراً ظهره يتحرك الي اليمين واليسار يبدو عليه التوتر ممسكا بهاتف محمول و ينظر الي الشاشة مكتوب عليها "نهي لا رد"
يتحرك والد نهي في اتجاه بسرعة ممسكا الدجاجة و خلفه نهي تحاول اللحاق به.
يمسك بمحمود من كتفه ينظر اليه محمود
صوت صياح دجاجة
والد نهي:جري ايه يا جدع انتي.
يري محمود الدجاجة فيوشك علي ان يستدير مرة اخري فيمسك به والد نهي بقوة.
والد نهي:بقولك ايه مفيش جواز الا اما تحل عقدتك دي.
ينظر محمود الي نهي التي توشك علي البكاء، يوجه والد نهي راسه بحيث يقطع نظرة نهي و محمود.
والد نهي:بصلي هنا يا حبيبي،هتاخد الفرخة دي
يرفعها يبعد محمود وجهه فيمسكه والد نهي من راسه و يوجه وجهه الي الدجاجة.
والد نهي:بصلها الفرخة دي هتعيش معاك امسك.
يضع الدجاجة عند صدر محمود ،يبعد محمود وجهه ،يخرج والد نهي سكين من جيبه ويضعه علي رقبة الدجاجة.
والد نهي:هتمسكها ولا ادبحها فوقيك.
صوت صياح الدجاجة
محمود مغنضا عينه يمد يده ليمسكها، يترك والد نهي الدجاجة ويتعد خطوتان ، فتصير الدجاجة بحضن محمود وتنظر اليه،تبتسم نهي.
والد نهي:ايوه كده ،دي هتفضل معاك اسبوعين ،وبعدين تجبهالي هنا ندبحها ونتفق علي معاد الفرح.
يسير والد نهي مبتعدا
والد نهي:خد بالك منها.
ويضحك.
بصوت خافت تشتغل اغنية فالخلفية
omi :cheerleader
تقترب نهي من محمود وتضع يدها علي يده و تربت عليها.
نهي:برافو يا محمود افتح عينك بقي .
لا يفتح محمود عينه و يدير وجهه
نهي:متخافش،انا حاولت امنعه بس ملحقتش ،انا اسفة بس انت عارف بابا
معلش اعتبرها فرصة تحل الموضوع ده.
محمود:فرصة ايه؟ انا هعمل ايه دلوقتي
نهي:متخافش انا هساعدك كده كده الفرخة في حضنك بقالها مدة مبتتحركش ولا حتي بتعمل صوت يعني مش هيحصل حاجة
نهي ضاحكة:شكلها بتحبك ،افنح عينك.
يفتح محمود عينه لكنه يوجه وجه بعيدا ،تضع نهي اصبعين علي جانب ذقن محمود و توجه وجهه اليها فينظر اليها و يبتسمان ، تمسك نهي بيده.
نهي:تمام دلوقتي بص للفرخة
ينظر محمود للفرخة التي تدير راسها في نفس اللحظة وتنظر اليه .
تظهر عيني الدجاجة ثم عيني محمود مرتين.
نهي: تمام كده هروح اجيب حاجات واجي مش هتاخر.
تذهب مسرعة اتجاه المحل وتخرج وبيدها كيس بلاستيكي.
عندما تصل الي محمود تضع ذراعها بذراعه و يبدان بالسير.
نهي:شكلكوا بقيتو اصحاب اهه
جبتلك الاكل و الحاجات اللي هتحتاجها للفرخة
كله هيبقي تمام.
مشهد داخلي/ليل/منزل محمود/الصالة:
شقة بسيطة بها اثاث قليل برغم المساحة الواسعة، توجد كنبة صغيرة امامها ترابيزة مربعة صغيرة فوقها تلفاز وفي المنتصف ترابيزة مستطيلة،ولمبة في منتصف الصالة.
يدخل محمود الشقة حاملا الدجاجة والكيس يضع الدجاجة برفق علي الارض ويضئ النور ويتجه لغرفة نومه
يخرج مرتديا بيجامة ويدخل الي المطبخ الي جوار غرفة النوم ،تدخل الدجاجة خلفه.
بعض الاصوات تاتي من المطبخ (صنبور ،اوني طهو )
يخرج محمود من المطبخ حاملا طبق طعام ووعاء لطعام الدجاجة.
يتوجه محمود ناحية الكنبة فتقفز الدجاجة لتجلس الي الداخل ،يجلس الي جوارها و يضع امامها علي الترابيزة وعاء الطعام و امامة الطبق الخاص به ويشغل التلفاز.
يحمل طبقه و يبدا بتناول الطعام فتقف الدجاجة فوق الترابيزة و تتناول طعامها .
ثم عندما يتوقف تتوقف و يشاهدان حتي ياتي اعلان دجاج محمرة يقوم محمود بغلق التلفاز سريعا وينظر الي الدجاجة و تنظر اليه.
محمود:معلش يلا ننام .
مشهد داخلي/ليل/منزل محمود/غرفة النوم:
داخل الغرفة مرتبة و كرتونتان كبيرتان و شماعة خشبية معلق عليها ملابس محمود وتوجد شماعة بظر الباب معلقة عليها البدل علي شماعات بلاستيكية .
بجوار المرتبة يوجد صندوق من الكرتون جهزة محمود للدجاجة.
يضع محمود الدجاجة داخل الصندوق .
وينام فتقفز الدجاجة لتنام الي جواره فيقوم بتغطيتها ويناما.
نظرة علي النافذة يتغير الليل الي نهارقرب الشروق .
محمود يرتدي ملابسه برفق الدجاجة لا تزال نائمة ، تسقط احدي الشماعات البلاستيكية.
صوت ارتطام الشماعة بالارض.
ينظر محمود الي الصندوق يجده فارغا ينظر خلفه فيجد الدجاجة.
محمود:معلش صحيتك ، انا سايبلك مايه و اكل و كل حاجة هروح الشغل و اجيلك تمام.
مشهد داخلي/ليل/كافية:
يجلس محمود و نهي و الدجاجة الي احدي الترابيزات.
نهي:شفت اخدتوا علي بعض ازاي
محمود:اه ما فات اسبوع.
نهي: بس مش مصدقة انك جايبها معانا واحنا خارجين.
محمود:يعني مش كفاية بسيبها وانا فالشغل لوحدها كمان اسيبها وانا خارج.
نهي :علي فكرة مكنش هيجري حاجة.
تنظر نهي الي الدجاجة التي تنظر الي نهي بغضب طوال الوقت .
نهي:بدل منظرنا ده.
محمود:ماله منظرنا وبعدين مش ده شرط ابوكي اعمل ايه يعني.
نهي:شرطه انها تعيش معاك مش ان تخرجها معانا.
تقفز الدجاجة لتجلس علي ساق نهي
تصرخ نهي
ثم تقفز الدجاجة عائدة الي كرسيها ،
تنظر نهي فتجد فضلات الدجاجة علي جيبتها تبدا بمسحه بعصبية،ثم تقف.
نهي:كده كتير بجد انا همشي ومش هخرج معاك والبتاعة دي معانا تاني.
وتذهب.
يربت محمود علي الدجاجة.
مشهد داخلي/ليل/منزل محمود/الصالة:
يجلس محمود والدجاجة والتلفاز شغال .
ينظر محمود الي الدجاجة
محمود:عارفة انا عمري ما كان عندي اصحاب قبل كده.
الدجاجة :باك.
محمود:صحيح انا ونهي قريبين من بعض لكن في حاجات مبقدرش اكلم فيها نهي
زي اما اني اتكلم عن نهي مثلا
انا زعلان اوي ماللي عملته امبارح ده.
الدجاجة:باك باك بااك بكبك باك
محمود:عندك حق كانت اوفر اوي
مع انها مكنتش عصبية كده زمان.
صوت هاتف محمود
محمود:ايوه يا نهي.
(صوت عبر الهاتف)نهي:بتكلم كده ليه المفروض تعتذر.
محمود:اعتذر
(صوت عبر الهاتف)نهي :ماعلينا دلوقتي
بابا بيقول لازم نبتدي ننزل نشوف الفرش
يبدو علي محمود الانزعاج
(صوت عبر الهاتف)نهي:في محل حلو اوي يلا نروح بكرة بس مينفعش تجيب الفرخة.
محمود مبتردش ليه.
محمود:اصل بكره مينفعش.
(صوت عبر الهاتف)نهي:ليه بقي
ليه
محمود:مسافر الساحل
(صوت عبر الهاتف)نهي:فجأة كده
محمود:حاسس اني مخنوق شوية وحابب اغير جو.
(صوت عبر الهاتف)نهي:وهتاخد بقي الست فرخة معاك.
محمود:طبعاً.
مشهد خارجي/نهار/شاطيء البحر:
يوجد العديد من الاشخاص يمارسون انشطة البحر البعض جالس البعض يسير.
يظهر محمود و الدجاجة يتجهان ناحية الشاطئ يسيران الي جوار بعضهما علي الممشي البحري وعلي اليمين واليسار الاشخاص ينظرون في زهول .
يرتدي محمود مايوه و نظارة شمسية وعلي كتفة فوطة وترتدي الدجاجة مايوة قطعتان و نظارة شمسية وعلي الجناب فوطة صغيرة.
فالخلفية أغنية
omi cheerleader
يصلان الي شمسية تحتها كرسيان ممددان يستلقي محمود علي احدهم والدجاجة علي الاخر .
وبعدها محمود و الدجاجة يجلسان علي الرمل و يقوما ببناء بيت رملي.
مشهد خارجي /نهار /ممر بحري:
يجلس محمود والدجاجة الي جوار بعضهما يصطادان و يشاهدان الغروب .
ثم ينظران الي بعضهما البعض.
نفس الاغنية مازالت فالخلفية.
مشهد خارجي/ليل/مطعم علي البحر:
يظهر القمر وينعكس ضؤه علي البحر،يجلس محمود مرتدياً بدلة سوداء تجلس الدجاجة امامه مرتديه فستان كاشف للجناحين أسود.
يمد يده عبر الطاولة وتمد جناحها ويمسك جناحها بيده.
نفس الاغنية مازالت فالخلفية.
مشهد خارجي/نهار/خارج محل دجاج:
قرب الغروب، يقف محمود في الجهة الاخري من محل دجاج و مديراً ظهره يضع هاتف محمول علي اذنه.
مشابه لاول مشهد خارج محل الدجاج و يرتدي محمود نفس لون الملابس الفرق ان الدجاجة تقف امامه .
تأتي نهي من الخلف وتربت علي كتفه.
نهي:حمدالله عالسلامة
واقف هنا ليه يلا هات الفرخة وتعالي بابا مستني جوه.
ينظر محمود الي الدجاجة ثم ينظر الي نهي.
محمود:أنا مش هقدر اسمح ان الفرخة دي تتقتل.
نهي:انت بتقول ايه ده شرط بابا
محمود مقاطعاً:انا كمان شايف ان احنا مش هنقدر نتجوز
تنظر اليه نهي في ذهول وصدمة.
نهي:انت بتقول ايه هتسبني
محمود:اسمعيني بس يا نهي
نهي:اسمعك ايه هتسبني عشان فرخه
وتشير الي الفرخة بعصبية،تنظر اليها الدجاجة بغضب.
نهي:وكمان ابويا اللي جيبهالك
طب رجع الفرخة دي بقي بتاعتنا.
تتجه ناحية الدجاجة وتحاول امساكها يمنعها محمود.
محمود:اهدي يا نهي كده كده انا وانتي مبقنيناش ننفع لبعض
انا بقيت حد تاني
مينفعش ارتبط بواحده ابوها بيقتل الفراخ
تنظر اليه نهي في غضب
محمود:انا اسف
ويبدا بالسير مبتعداً
تسير نهي باتجاه محل والدها
بعد قليل يخرج والدها يتلفت حوله و يرفع سكيناً وتخرج نهي خلفه
يلمح محمود فيتجه ناحيته.
والد نهي صائحا:استني هنا يابتاع الفرخة
يتوقف محمود والدجاة و ينظرا باتجاه والد نهي، تظهر عيني والد نهي غاضبة تظهر عيني محمود قلقة تظهر عيني والدنهي غاضبة تظهر عيني الدجاجة غاضبة عيني نهي غاضبة عيني الدجاجة غاضبة مرة اخري ثم يبدا محمود بالجري وشير الي الدجاجة لتجري ويجري خلفه والد نهي .
وهو يصيح :وديني ما انا سايبك الا وانت مدبوح مكانها.
يجري محمود في اتجاه الشمس التي علي وشك الاختفاء خلفه والد نهي خلفه الدجاجة خلفه نهي.
النهاية
Comments
Post a Comment