مكتبتش النهاردة
كان عندي فكرة زي الفل الصبح راحت
المفروض اول ما تجيلنا فكرة نكتبها فوراً
الافكار بتطير اسرع من اي حاجة
المهم
روحت دورت في النوت بتاعة الافكار لقيتها كلها افكار منيلة زي اللي كتبتها قبل كده
بس عادي هكتب بردوا
ده اللي هو جلد الذات العلني
نتكلم عن جلد الذات
اه افتكرت كنت عايزة اتكلم عن ان الواحد عايز او بدأ يفكر في نفسه شوية
و يبطل يعتبر ده انانية
يعني احنا كام مرة اتجاهلنا حاجات عايزنها عشان منحسش بالذنب او اننا انانيين
في نفس الوقت نفس الناس اللي اتجاهلنا اللي عايزينه عشانهم ممكن ييجوا علينا عشان اللي عايزينه
يعني هتلاقي ناس كتير كان ممكن توصل للحاجة اللي عايزينها من غير ما يأذوك عادي
بس اللي هو اذيتهم ليك بتحسسهم بانتصار تاني مثلاً
يعني كل واحد بيحاول يحقق اللي عايزة و ميدوسش حد في طريقة
في ناس بتحاول تدوسك و بعدها تفكر هي عايزة ايه
كتير بحاول اتخيل عقلية الناس دي بتفكر ازاي
ضميرها سابها تعمل كده ازاي
مفكروش لحظة ده تأثيره ايه عالاشخاص التانية
و يا تري هما الصح و لا احنا
ولا ياتري و احنا مكان الناس دي هندوس اللي في سكتنا فعلاً عشان نعدي بس
و مش هنفكر غير في نفسنا
ربنا يعافينا من أذية الناس في طريقنا
و من ان احنا نتجاهل نفسنا و نسيب الناس تدوسنا
Comments
Post a Comment