خدوهم بالصوت قبل ما يغلبوكم
ده مش مجرد مثل شعبي ده شعار و مبدأ ماشي بيه ناس كتير
يسبقوا و يتخانقوا و يطلعكوا غلطانين و كل القصة ان هما اللي سبقوا و بدأوا فالاتهام
و هتلاقي ناس معاك فالشغل بيتقدروا اكتر و هما بيشتغلوا اقل او ما بيشتغلوش اصلاً بس عشان بيعرفوا يعملوا show و دوشة على كل حاجة حتى لو مش هما اللي عاملينها فيبان كأن هما اللي عاملين الشغل كله و محدش غيرهم بيشتغل
عيبي اني بعمل في صمت مش عارفة عيب ولا الصح كده بس الموضوع ده اذيني ان بيضيع حقي و الناس مبتقدرش شغلي غير اما اسيب الشغل 😏
المهم نحاول نظهر شغلنا و ناخد حقنا من غير ما نتحول نسخ مالناس دي
هما بردوا بيفكروني بالناس بتاعت المثل ضربني و بكي سبقني و اشتكي (بقيت خالتي جداً)
دي ناس بتجور علي حقك عامةً و تجري تحكي للكل كانها مظلومة بيروحوا يحكوا لكل الناس قد ايه هما غلابة و مظلومين و بيحبوا يساعدوا و احنا ناس ناكرة للجميل
حتي بيحكوا لناس مبيحبهومش و لا يفرقوا معاهم بس كل المهم يطلعكوا غلط قدام الناس
بيمثلوا الحب علي كله و هما مبيحبوش غير نفسهم
ربنا يعافينا والله و مانكنش ابداً بوشين و تلاتة
Comments
Post a Comment