سيناريو أفراح 2
السيناريو ده مكتوب كجزء من مسلسل حلقات منفصلة (مكتبتوش لسه 😀) عن بعض الوظايف اللي اختفت او ممكن تختفي مع التطور المجتمعي و التكنولوجي
و يا حبذا لو زي السيناريو ده تكون وظايف متسمعش عنها كتير اصلاً او اني اكمل ده كمسلسل عن حياة زينب و اخواتها و ازاي هتتطور و الحكايات اللي مروا بيها
دي كانت الفكرة
واللي جاتلي اما شفت البنت دي فعلاً في فرح و ده تخيلي عن حياتها و هي ممكن تكون بتعكل ايه دلوقتي
زي ما قلت زمايلي كان رأيهم اني بالغت في وصف الديكور و ده رأيي بردوا
اسيبكوا مع السيناريو
أفراح
مشهد داخلي/ليل/قاعة أفراح بأحد الفنادق:
قاعة حيطانها مغطاه من الارضيات الي المنتصف بخشب بني اللون ودهن الحائط حتي السقف بلون بيج ، الاضائة خافته بعض الشئ بالقاعة يبرز من كل حائط عمود بالمنتصف معلق بمنتصفه مصباح لاضائة جانبيه والاضائة الرئيسية من نجفة كبيرة بمنتصف القاعة يوجد تحتها للخلف قليلاً الكوشة وهي عبارة عن كنبه مزخرفة لونها بيج فاتح و اطارها اغمق قليلاً يجلس عليها العريس و العروسة . امامهم مساحة دائرية فارغة علي طرفها الايمن يقف الدي جاي _ وهو شاب في بدايات العشرينيات طويل بعض الشئ متوسط العرض يرتدي جاكت بدلة اخضر غامق لامع قليلا اكمامه مطوية الي الكوع و كاب موجه للخلف_ خلف منتصته السوداء المستطيلة التي يزيد عرضها عن عرضه شبر من كل اتجاه.علي اليسار خلف الدائرة علي الطرف توجد طاولة صغيرة عليها تورتة بيضاء مزينة باشكال بالكريمة البيضاء ولائالئ خمس ادوار.
في الجهة المقابلة للعريس و العروسة بعد المساحة الفارغة توجد الترابيزات التي تكونها و هي حوالي عشرة ترابيزات متفرقة كل ترابيزة و كراسيها مغطاه بمفارش بيج فاتح او تبدوكذلك بسبب اضاءة القاعة الصفراء يجلس الي كل ترابيزة بعض الاشخاص مختلفي الاعمار علي كل ترابيزة اسرتين او ثلاث اسر صغيرة.
خلف الترابيزات عند باب القاعة يقف رجل -مديرالقاعة-في منتصف الاربيعينيات يرتدي بذلة سوداء و ربطة عنق ويظهر بعض الشعر الابيض براسه ذراعيه للاسفل و احدي يديه علي شكل قبضة ينظر من اتجاه لاخر يراقب المكان .
و يجول بالقاعة رجل حاملاً كاميرا يجر بعض الاسلاك خلفه .
تقف بعيدة عنه قليلاً فتاة-زينب- بالعشرينيات من عمرها مرتدية بذلة رمادية مقفولة بازرار من المنتصف يوجد جيبين مربعين باسفل الجاكت الطويل بعض الشئ ،الفتاة ذات بشرة خمرية تميل للسمارتضع كحل كثيف بداخل عينيها و حاجبيها خطين رفيعين وتحدد شفاها بمحدد احمر قاتم ولها شعر اسود طويل يصل الي منتصف الظهروبعض الخصلات المقوسة تغطي جبتها حتي حاجبيها -قصة-.
صوت اغاني
تبدأ زينب في الاقتراب من المنطقة القريبة من الدي جاي
فتي الدي جي:نطلب من العروسة تيجي تقف هنا عشان تحدف البوكيه
تتقدم العروسة وتقف امام الدي جاي
فتي الدي جاي:يلا صحبات العروسة كل البنات اللي متجوزوش او متخطبوش كله ييجي هنا
تقف زينب خلف العروس و تبدا بالتهليل و الاشارة لباقي الفتيات ليقفوا الي جوارها تتقدم لتسحب بعضهم من عند الترابيزة
فتي الدي جاي: يلا فين البنات العروسة معندهاش اصحاب ولا ايه
تقف زينب و بعض الفتيات خلف العروسة تتاخر زينب للخلف لتترك مجال لباقي الفتيات ليتقدموا و تحاول التزاحم معهم ، تقذف العروس البوكية ياتي في اتجاه زينب فتدفعه بحركة غير ظاهره لتلتقطه الفتاة الي جوارها.
فتي الدي جاي: مبروك البنت اللي مسكت البوكية يلا عشان تتصوري مع العروسة.
تبدا الفتيات في التراجع ، تنظر زينب للدي جاي وتشير بيدها
فتي الدي جاي:ايه يا بنات رايحين فين يلا اعملوا دايرة عشان ترقصوا مع العروسة
تمسك زينب فتاتان من ايديهما و تتقدم بهما و تشير بيديها لباقي الفتيات،تشير والدة احدي الفتيات لابنتها وهي جالسه لترجع فترجع الفتاة، تصفق زينب و تجعل الفتيات يكونوا دائرة حول العروس فلا تتقدم اي فتاة في المنتصف معها فتتقدم زينب وتمسك يد العروسة و ترقص معها ثم تمسك يد احدي الفتيات التي تتراجع في خجل عندما يقترب رجل الكاميرا ثم تمسكها زينب من يدها مرة اخري و تلح و تدخلها معهم داخل الدائرة ثم تخرج هي و تبقي مع الفتيات المكونة للدائرة و تصفق.
مشهد خارجي /ليل/خارج الفندق/من الخلف:
تخرج زينب من الفندق بمفردها و تنزل السلالم .
تركب اسرة بسيارة اب و ام و ابنتين في العشرينيات يلتفتوا جميعا و يروا زينب .
زينب تسير مسرعة ولا تلتفت اليهم.
مشهد خارجي /ليل/داخل السيارة:
الاب:ايه البنت البجحة اللي كانت مصره ترقصكوا دي،دي زميليتكوا فالجامعة ولا ايه.
احدي الفتيات:لا أول مرة أشوفها.
الام:ومعهاش اهل ولا حد جايه كده لوحدها.
الفتاة الاخري:شكلها تبع الفندق شفتها بتكلم الراجل الكبير اللي بيراقب القاعة ده شكله مديرهم .
مشهد خارجي /ليل/الطريق الي جوار الفندق:
تصل زينب الطريق تركب اتوبيس نقل عام.
مشهد داخلي /ليل/منزل زينب/الصالة:
شقة متواضعة دهانات متساقطة من بعض المناطق، اقصي اليسار يوجد شباك له شيش وستارة من قماش ردئ، الي جوارها توجد كنبة زيتيه اللون قديمة بمساند خشبية عليها ثلاث مفارش صغيرة عند مساند الراس الي جوارها كرسي من نفس النوع ظهره الي جوار الشباك ومن الجهة الاخري الي جوارها كرسي خشبي عادي ظهره للحائط الي جواره بابين متشابهين كل منهما خشبي دهانه ابيض متهالك به من فوق المنتصف زجاج مزركش مربع ، احدهم مؤدي الي غرفة نوم الام والاخر الي غرفة الفتيات.
امامها ترابيزه خشبية ،خلفها بوفيه عليه تلفاز قديم .
علي اليمين يوجد مدخل ممر له ستارة بلاستيكيه مؤدي الي الحمام و المطبخ.
تجلس والدة زينب-وهي سيدة باوائل الخمسينيات ترتدي جلباب ابيض به بعض الاشكال و الالوان الباهتة و تربط راسها بامطة- علي الكنبة تربع احدي ساقيها و تسند راسها بيدها المسنودة علي المسند تشاهد التلفاز .
تدخل زينب من الباب فتنظر اليها بغضب و تعتدل الي الامام في جلستها و تنزل رجليها .
الأم:ما بدري يا فضحانة.
زينب:هو كل يوم.
الام: هفضل اقولك كده كل يوم لحد ما تتجوزي ولا تشوفيلك شغلانة محترمة بدل الرقص ده.
زينب:بردو رقص.
ماشي رقص رقص المهم اخواتي يعيشوا ويتعلموا كويس
و منحتاجش لأي حد.
الام: ماانتي لو ناصحة تتجوزي بشلة يصرف عليكوا بدل البهدلة دي.
زينب:ما انتي اتجوزتي كذا مرة اجوازك عملوا ايه
حد فيهم صرف علينا
لأ ده
واحد زود حمل المصاريف علينا والتاني كان بيعاكسنا
كفاية بقي .
يظهر علي وجه والدة زينب الامتعاض و تشيح نظرها بعيداً عن زينب .
تجلس زينب علي الكرسي المجاور لها ، فتديرأمها وجهها بعيدا عنها.
زينب: لا بوصيلي كده ياامه بقولك ايه
الجوازة الجاية ليكي و اللي هي قريب قوي معلم مرسي ابو بشلة ايوا انا عارفة
ميدخلش البيت
و تشير باصبعها السبابة
زينب: انا مش هدخل اي واحد من اجوازك دول البيت فاهمه
الام:انتي فاكرة ان انا عايزة اقعد معاكوا ليه يعني ماهو عشان ابقي مطمنة عليكوا
انتي اهو عارفة كل حاجة اكيد عارفة المعلم غني قد ايه فا..
زينب مقاطعة:عارفة ربنا يهنيكي ،تبقي تجيلنا زيارات بقي لوحدك.
تتركها و تتوجه لباب غرفة الفتيات و تغلقه خلفها.
يكتب علي شاشة سوداء بخط ابيض بعد مرور عشر سنوات
مشهد نهار/داخلي/منزل زينب/الصالة:
تخرج زينب من باب الغرفة وهي تتثائب مرتدية بيجاما قطنية شعرها قصير.
لم يتغير شئ سوي امام الكرسي الخشبي الموجود جوار باب الغرفة توجد طاولة خشبية فوقها جهاز كمبيوتر بنفس المكان ،و لم تعد توجد مناطق متساقطة من الدهان.
تجلس هند الي جهاز الكمبيوتر و هي فتاة في العشرينيات من عمرها نفس عمر زينب عند بداية الفيلم ترتدي تيشيرت نصف كم وبنطلون قطني، وتجلس علي الكنبة لتشاهد التلفاز فتاة مرتدية ملابس المدرسة وهي سهي تبدو بالمرحلة الاعدادية.
زينب:عملتي ايه فالامتحان.
سهي:تمام تمام
زينب:طب غيري هدومك الاول طيب .
وانتي هتبداي امتحانات امتي؟
هند:قلتلك بعد اسبوع
زينب:والمذاكرة هتبدا امتي.
هند ضاحكة:بعد اسبوع.
زينب:ماشي ياختي خليكي مروقة دماغك كده
هدخل انا اجهز الغدا عشان انزل الشغل.
تتجه زينب ناحية المطبخ
سهي:زينب صحيح قابلت ماما وانا جاية فالطريق قالت هتبقي تعدي علينا بكره.
زينب:تنور.
هند و سهي معا:طالما هتيجي لوحدها تنور.
ويضحكوا
مشهد داخلي/ليل/قاعة الأفراح بأحد الفنادق:
نفس قاعة الافراح لكن تغير شكلها بالكامل
قاعة حيطانها مغطاه بورق حائط ابيض مزخرف ، الاضائة سبوتات بالاسقف تعطي اضاءة بيضاء والاضائة الرئيسية من سبوتات موجودة باطراف القاعة معلقة بعمدان سوداء ايضا مكونة لمسرح امام الكوشة ارضيته مربعات زجاجية مضيئة بضوء ابيض يتغير الي البمبي احياناً بمنتصف القاعة يوجد للخلف قليلا الكوشة وهي عبارة عن كنبه لونها ابيض ولا يوجد لها اطار مربوط بطرفها من اعلي شريط بمبي يجلس عليها العريس و العروسة . علي الطرف الاخر يقف الدي جاي _ وهو شاب في بداية الثلاثينيات طويل بعض الشئ متوسط العرض قميص وبنطلون تظهر دبلة بيده الشمال_.علي اليسار علي الطرف يوجد بوفيه طويل تتوسطه تورتة مربعه ثلاث ادوار لونها اسود و مزخرفة بورود بمبي،توجد 4 شاشات كبيرة موزعة باطراف القاعة معلقة بالحوائط تعرض ما يصور.
في الجهة المقابلة للعريس و العروسة بعد مساحة الرقص توجد الترابيزات التي تكونها و هي حوالي عشرة ترابيزات متفرقة كل ترابيزة و كراسيها مغطاه بمفارش بيضاء حولها شريط بمبي وفي منتصف كل ترابيزة باقة ظهور يغلب عليها اللون البامبي يجلس الي كل ترابيزة بعض الاشخاص مختلفي الاعمار ،يوجد ترابيزتين فقط اسر وباقي الترابيزات اما شباب فقط اوبنات فقط او شباب و بنات و معظمهم في اعمار مقاربة للعروسين.
خلف الترابيزات عند باب القاعة يقف رجل -مديرالقاعة-في منتصف الخمسينيات يرتدي بذلة سوداء و ربطة عنق واغلب شعره ابيض ذراعيه للاسفل و احدي يديه علي شكل قبضة ينظر من اتجاه لاخر يراقب المكان .
تقف بعيدة عنه قليلاً -زينب- بالثلاثينات من عمرها مرتدية بذلة رمادية ضيقة الجاكت قصير ،الفتاة ذات بشرة خمرية تميل للسمارتضع اي لاينر فوق عينيها و حاجبها مرسوم بالقلم و ممتلئ وتضع لشفاها لون وردي ولها شعر بني قصيريصل الي الكتفين.
تبدأ زينب في التقدم اتجاه منتصف القاعة.
فتي الدي جاي:يلا صحبات العروسة يقربوا هنا عشان يرقصوا معاها.
صوت أغاني
تتقدم جميع الفتيات بسرعة وبلا تردد و بعضهم يدفع زينب و يبدأوا في التجمع كدائرة تتزاحم كل منهما للدخول و الرقص بالدائرة ، و توجد فتاة تبدا بالرقص باحترافية حتي يلتفوا حولها بدلا من العروسة و تقوم اكثر من فتاة بذلك ويزيد ابداعهم فالرقص كلما اقترب رجل الكاميرا
علي الجانب يرقص العريس مع اصدقائه
تتراجع زينب للخلف و تشاهد بلا حركة ثم تنظر لمدير القاعة الذي يشاهدها بغضب فتذهب باتجاه العروسة و تحاول ان تمسك يدها لترقص معها لكن تدفعها احدي الفتيات لتحل محلها.
تنظر زينب فتجد فتاة جالسة جوار والدتها فتذهب باتجاههم.
زينب:مبترقصيش معانا ليه.
أم الفتاة:قوليلها يا حبيبتي انا بقولها مالصبح تتلحلح كده ممكن يجيلها عدلها.
زينب وهي تضحك:لا عشان تتبسط عدلها هيجيلها اما يبقي في نصيب.
تنظر أم الفتاة الي يدي زينب -الفارغتان من دبلة-فتمتعض قليلاً
أم الفتاة:لأ يا حبيبتي ،عدلها هيجيلها أما تتنصح زي البنات دي.
الفتاة:انا مش صاحبة العروسة ولا اعرفها كفاية قوي اني رضيت اجي معاكي.
ام الفتاة:هو انا جيباكي عشان تقعديلي كده هقوم ارقص انا.
وتقف لتذهب ثم تمسكها من يدها و تنخفض في اتجاهها
ام الفتاة بصوت اهدي:يلا يا حبيبتي يلا بأه عشان مزعلش منك.
ثم يذهبا معا و زينب واقفة تشاهدهم ثم تنظر حولها الي القاعة لا احد جالس الجميع يرقص فتنظر الي باب القاعة تري المدير ينظر اليها باستياء ،ففتوجه ناحية الناس و تصفق.
مشهد خارجي/ليل/النيل و الفندق من الخارج من الامام
مشهد داخلي/ليل/قاعة أفراح بأحد الفنادق:
فتي الدي جاي:يلا صحبات العروسة السناجل كلهم يتجمعوا هنا
عشان العروسة هتحدف البوكية.
تقترب زينب لتقف خلف العروس فتدفعها الفتيات بعيداً و يتزاحموا -أشبه بخناقة- ليلتقطوا البوكية .
تتراجع زينب للخلف وهي ممسكه بذراعها بالم و تنظر الي باب القاعة فتري المدير يشير اليها.
تتوجه ناحيته.
في نهاية تدافع الفتيات تمسك فتاتان بالبوكية و تسحبه كل واحده باتجاهها حتي تنقذه العروسة من يديهم و تضعه بيد احداهما و تضع يدها علي كتفها و ينظرا للمصور ليلتقط لهما صورة.
مشهد داخلي/ليل/خارج قاعة الافراح بالفندق:
يقف المدير و زينب
يصلهم صوت الاغاني بالقاعة لكنه منخفض
المدير:ايه يا زينب؟مبتشتغليش ليه؟
زينب:ما انا بحاول اهه بس حضرتك شايف
المدير:تمام يا زينب يعني انتي مش حاسة ان وظيفتك مبقاش ليها لازمة الايام دي
زينب:امم هو
المدير:هو ايه انتي شايفة غير كده انتي بره القاعة اهه والدنيا مسكتتش جوه
زينب:هحاول افكر في حاجات جديدة
المدير:حاجات زي ايه يعني
زينب:هفكر في اي حاجة جديدة تعمل جو حلو للفرح
يعني اي تقليعات الناس بقت بتحب الحاجات دي
المدير:عموما اخرك معايا التلات افراح الجايين دول
لقيتك ملكيش لازمة بردو هضطر امشيكي
تنظر له زينب في صدمة
المدير:معلش انتي شايفة و عارفة ان السياحة بايظة فمفيش شغل هنا فالفندق
مش هقدر احاول انقلك لحاجة تانية حتي
هي الافراح اللي شغالة ومخليه الفندق ميتقفلش
لقيتلك لازمة فالفرح تكملي معانا ملقتلكيش
يفرد يده في اتجاه اعلي و يرفعها امامه قليلا وهو يميل براسه إماله خفيفه مع قلب شفتيه.
ثم يتركها مصدومة و يرحل.
مشهد خارجي/ليل/خارج الفندق/من الخلف:
تنزل زينب اخر سلمتين من الفندق تتجه لسياره بيضاء 128 مركونة بالجانب تسرع خطوتها بما يشبه الجري عند ملاحظة شابين يرتديان ملابس غير رسمية-ليسا من الفرح-يتوجهان ناحيتها
احد الشابين:استني بس
تدخل زينب السيارة بسرعة وتغلق قفل الباب ثم تحاول ادخال المفتاح بالكونتاكت لا يدخل بسهوله لتوترها و تدير السيارة و تبدأ في التحرك في نفس الوقت الذي كان احد الشابين يحاول الامساك بشنطة السيارة و الاخر الباب .
تبتعد السيارة فتتنهد زينب و تبدأ بالبكاء.
مشهد داخلي/ليل/منزل زينب/الصالة:
تدخل زينب من باب الشقة وجهها و اعينها حمراء من اثر البكاء،سهي جالسة تشاهد التلفاز و هند تستخدم الكمبيوتر.
بمجرد ما يروها تترك كل واحدة ما في يدها و تنظرا اليها بقلق و تتجه ناحيتها
هند:ايه اللي حصل
زينب :مفيش
وهي متجهه ناحية الحمام.
تقف سهي امامها
سهي:ايه مفيش مش احنا في كل حاجة سوا
زينب:هغير بس هدومي و اغسل وشي كده واجيلكوا.
مشهد خارجي/ليل/الحارة التي تسكن بها زينب .
صورة للحارة ثم المبني الذي به شقة زينب حتي شباكها و تظهر ستائرهم من الخارج.
صوت زينب و اختيها يتحدثون
مشهد داخلي/ليل/منزل زينب/الصالة:
زينب جالسه علي الكنبة جوارها سهي و علي الكرسي الشبيه بالكنبة تجلس هند.
زينب:دلوقتي انا اعمل ايه فالمصيبة دي
لا و قلتله هلاقي تقليعة هلاقي حل
و دماغي مقفولة مش عارفة افكرفي حاجة
تدفع راسها للخلف و تخبطها بمسند الكنبة برفق مرتين.
تضع سهي يدها خلف راس زينب للتتوقف ثم تربت علي كتفها.
سهي:خير متقلقيش انا الاول افتكرت حد دايقك وانتي جاية ولا حاجة.
زينب:اه بس ده بقي اللي بيحصل كل يوم.
تهز سهي راسها و تعوج فمها باستياء.
هند:اه بس الصراحة موضوع الشغل ده مشكلة فعلا
ربنا يستر علينا، بس مديرك عنده حق
احنا بقينا مبنصدق نلاقي فرصة نرقص
مبقاش في بنت محتاجة حد يشجعها تعمل ايه فالفرح
تشير اليها سهي لتتوقف.
زينب:تمام عارفة ان عنده حق مقولناش حاجة
فكروا دلوقتي معايا في اي تقليعة افتكاسه اعملها
عشان اخلص مالمصيبة دي
يصمتوا جميعاً للحظات و يشردوا
ثم تنتبه هند وتندفع للامام بعيدأ عن مسند الظهر وهي تشير بيدها
هند:بس جاتلي فكره
مشهد داخلي/ليل/قاعة الأفراح:
نفس قاعة الافراح لكن تغيرت بعض الألوان
قاعة حيطانها مغطاه بورق حائط ابيض مزخرف ، الاضائة سبوتات بالاسقف تعطي اضاءة بيضاء والاضائة الرئيسية من سبوتات موجودة باطراف القاعة معلقة بعمدان سوداء ايضا مكونة لمسرح امام الكوشة ارضيته مربعات زجاجية مضيئة بضوء ابيض يتغير الي الازرق احياناً بمنتصف القاعة يوجد للخلف قليلا الكوشة وهي عبارة عن كنبه لونها ابيض ولا يوجد لها اطار مربوط بطرفها من اعلي شريط أزرق يجلس عليها العريس و العروسة .علي اليسار علي الطرف يوجد بوفيه طويل تتوسطه تورتة مربعه ثلاث ادوار لونها ابيض و مزخرفة بورود زرقاء،توجد 4 شاشات كبيرة موزعة باطراف القاعة معلقة بالحوائط تعرض ما يصور.
في الجهة المقابلة للعريس و العروسة بعد مساحة الرقص توجد الترابيزات التي تكونها و هي حوالي عشرة ترابيزات متفرقة كل ترابيزة و كراسيها مغطاه بمفارش بيضاء حولها شريط أزرق وفي منتصف كل ترابيزة باقة ظهور يغلب عليها اللون الأزرق يجلس الي كل ترابيزة بعض الاشخاص مختلفي الاعمار،يوجد ترابيزتين فقط اسر وباقي الترابيزات اما شباب فقط اوبنات فقط او شباب و بنات و معظمهم في اعمار مقاربة للعروسين.
هند:انتي تعملي اطار كده مكتوب عليه
“she said yes”
شفتها في خطوبة واحده صاحبتي وحاجات شبه دي
شنب بوسه موجودين علي عصايه برانيط.
تتقدم زينب الي العروسة و العريس و تعطيهم الاطار
سهي:اديكي قلتي خطوبة بنتكلم علي افراح.
ينظر العروسة و العريس الي زينب بتعجب
هند:هتنفع برده
ثم يبتسما و يمسكا بالاطار
زينب بتردد:بس.. هو ده هيصحي الفرح
هند:انسي بقي الافراح كده كده صاحية
مش انتي قلتي تقليعة اهي تقليعة
زينب:ماشي نجرب ربنا يستر.
مشهد داخلي/ليل/منزل زينب/الصالة:
زينب:افرض مانفعتش
هند:متقلقيش هنفكر في حاجة كمان.
سهي:ليه منفكرش في حاجات ناحية الولاد بقي
طالما احنا البنات مبقيناش محتاجين اي مساعدة
هند:يعني هما الولاد اللي محتاجين.
سهي:لا نشوفلهم حركة جديدة تغيير.
مشهد داخلي/ليل/قاعة الأفراح:
نفس قاعة الافراح لكن تغيرت بعض الألوان
قاعة حيطانها مغطاه بورق حائط ابيض مزخرف ، الاضائة سبوتات بالاسقف تعطي اضاءة بيضاء والاضائة الرئيسية من سبوتات موجودة باطراف القاعة معلقة بعمدان سوداء ايضا مكونة لمسرح امام الكوشة ارضيته مربعات زجاجية مضيئة بضوء ابيض يتغير الي برتقالي احياناً بمنتصف القاعة يوجد للخلف قليلا الكوشة وهي عبارة عن كنبه لونها ابيض ولا يوجد لها اطار مربوط بطرفها من اعلي شريط برتقالي يجلس عليها العريس و العروسة .علي اليسار علي الطرف يوجد بوفيه طويل تتوسطه تورتة مربعه ثلاث ادوار لونها ابيض و مزخرفة بورود برتقالية،توجد 4 شاشات كبيرة موزعة باطراف القاعة معلقة بالحوائط تعرض ما يصور.
في الجهة المقابلة للعريس و العروسة بعد مساحة الرقص توجد الترابيزات التي تكونها و هي حوالي عشرة ترابيزات متفرقة كل ترابيزة و كراسيها مغطاه بمفارش بيضاء حولها شريط برتقالي وفي منتصف كل ترابيزة باقة ظهور يغلب عليها اللون البرتقالي يجلس الي كل ترابيزة بعض الاشخاص مختلفي الاعمار ، و توجد ترابيزتين فقط اسر وباقي الترابيزات اما شباب فقط اوبنات فقط او شباب و بنات و معظمهم في اعمار مقاربة للعروسين.
زينب:اعمل ايه يعني
سهي:يعني مثلاً تجيبيلهم نظارات سودة و هما بيرقصوا جانجم ستايل
توزع زينب نظارة لكل واحد من اصدقاء العريس
سهي:او عصيان يحجلوا بيها
هند وهي تضحك:سنج و مطاوي وهما بيرقصوا شعبي
توزع زينب العصيان علي اصدقاء العريس
زينب:فكره كويسه و اديهم كمان طرح بيضة يلفوها حوالين راسهم زي الصعايدة
و باليد الاخري توزع زينب الطرح
مشهد داخلي /ليل/منزل زينب/الصالة:
زينب وهي تضحك:يعني هي اي حاجة الا السنج الصراحة
مشهد داخلي/ليل/قاعة الأفراح:
نفس قاعة الافراح لكن تغيرت بعض الألوان
قاعة حيطانها مغطاه بورق حائط ابيض مزخرف ، الاضائة سبوتات بالاسقف تعطي اضاءة بيضاء والاضائة الرئيسية من سبوتات موجودة باطراف القاعة معلقة بعمدان سوداء ايضا مكونة لمسرح امام الكوشة ارضيته مربعات زجاجية مضيئة بضوء ابيض يتغير الي الاخضر احياناً بمنتصف القاعة يوجد للخلف قليلا الكوشة وهي عبارة عن كنبه لونها ابيض ولا يوجد لها اطار مربوط بطرفها من اعلي شريط أخضر يجلس عليها العريس و العروسة .علي اليسار علي الطرف يوجد بوفيه طويل تتوسطه تورتة مربعه ثلاث ادوار لونها ابيض و مزخرفة بنقاط خضراء،توجد 4 شاشات كبيرة موزعة باطراف القاعة معلقة بالحوائط تعرض ما يصور.
في الجهة المقابلة للعريس و العروسة بعد مساحة الرقص توجد الترابيزات التي تكونها و هي حوالي عشرة ترابيزات متفرقة كل ترابيزة و كراسيها مغطاه بمفارش بيضاء حولها شريط أخضر وفي منتصف كل ترابيزة باقة ظهور يغلب عليها اللون الاخضر يجلس الي كل ترابيزة بعض الاشخاص مختلفي الاعمار، يوجد ترابيزتين فقط اسر وباقي الترابيزات اما شباب فقط اوبنات فقط او شباب و بنات و معظمهم في اعمار مقاربة للعروسين.
هند:انا بقول تخليكي مع العروسة وصاحباتها
بس نفتكس فعلاً
سهي:ازاي بقي يا فالحة
صديقات العروس واقفات تبدا زينب بتوزيع شئ عليهم
زينب:اصبري يا سهي
كملي يا هند.
هند:تخلي صحبات العروسة يعملوا شو هندي.
تجيبي الحسنة الحمرا بتاعة الهنود
تضع زينب حسنة لرأس كل فتاة
هند:ساري يتلف كده فوق اللبس مع الموسيقي الهندي
تفرد كل فتاة ساري و تلفه حول وسطها
هند:ويرقصوا هندي
تضع كل فتاة جزء من الساري فوق كتفها
سهي:شبه فكرتي
هند:بزمتك
مشهد داخلي/ليل/منزل زينب/الصالة:
زينب:حلو يا بنات والله
يارب تنفع
تبتسم سهي
هند:لو مانفعش نفكر في حاجات تانية.
زينب:لو منفعش لازم ادور علي شغل تاني
تسند سهي رأسها علي كتف زينب و تضع يدها علي الكتف الاخر.
مشهد داخلي/ليل/قاعة الأفراح:
نفس قاعة الافراح لكن تغيرت بعض الألوان
قاعة حيطانها مغطاه بورق حائط ابيض مزخرف ، الاضائة سبوتات بالاسقف تعطي اضاءة بيضاء والاضائة الرئيسية من سبوتات موجودة باطراف القاعة معلقة بعمدان سوداء ايضا مكونة لمسرح امام الكوشة ارضيته مربعات زجاجية مضيئة بضوء ابيض يتغير الي الازرق احياناً بمنتصف القاعة يوجد للخلف قليلا الكوشة وهي عبارة عن كنبه لونها ابيض ولا يوجد لها اطار مربوط بطرفها من اعلي شريط أزرق يجلس عليها العريس و العروسة .علي اليسار علي الطرف يوجد بوفيه طويل تتوسطه تورتة مربعه ثلاث ادوار لونها ابيض و مزخرفة بورود زرقاء،توجد 4 شاشات كبيرة موزعة باطراف القاعة معلقة بالحوائط تعرض ما يصور.
في الجهة المقابلة للعريس و العروسة بعد مساحة الرقص توجد الترابيزات التي تكونها و هي حوالي عشرة ترابيزات متفرقة كل ترابيزة و كراسيها مغطاه بمفارش بيضاء حولها شريط أزرق وفي منتصف كل ترابيزة باقة ظهور يغلب عليها اللون الأزرق يجلس الي كل ترابيزة بعض الاشخاص مختلفي الاعمار،يوجد ترابيزتين فقط اسر وباقي الترابيزات اما شباب فقط اوبنات فقط او شباب و بنات و معظمهم في اعمار مقاربة للعروسين.
-يبدأ المصور بالتقاط صور للعروسين وهما ممسكان للاطار، حتي تأتي احدي صديقات العروس و تنحي زينب جانباً و تتقدم ممسكة اطار اخر شكله اجمل مزين بشكل افضل فتترك العروس اطار زينب و تمسك اطار صديقتها بسرعة.فيضع العريس اطار زينب ارضا و يمسك معها الاطار الاخر.
مشهد داخلي /ليل/خارج قاعة الافراح:
صوت الاغاني من داخل القاعة
تمر فتاة مرتدية بدلة أنيقة سوداء و قميص ابيض و تقف لتراقب قليلاً ثم تسير .
مشهد خارجي/ليل/خارج الفندق من الامام:
تمر صورة مسرعة للنيل وحركة السيارات ثم يتغير الليل الي نهار ثم الي ليل .
مشهد داخلي/ليل/قاعة أفراح:
نفس قاعة الافراح لكن تغيرت بعض الألوان
قاعة حيطانها مغطاه بورق حائط ابيض مزخرف ، الاضائة سبوتات بالاسقف تعطي اضاءة بيضاء والاضائة الرئيسية من سبوتات موجودة باطراف القاعة معلقة بعمدان سوداء ايضا مكونة لمسرح امام الكوشة ارضيته مربعات زجاجية مضيئة بضوء ابيض يتغير الي برتقالي احياناً بمنتصف القاعة يوجد للخلف قليلا الكوشة وهي عبارة عن كنبه لونها ابيض ولا يوجد لها اطار مربوط بطرفها من اعلي شريط برتقالي يجلس عليها العريس و العروسة .علي اليسار علي الطرف يوجد بوفيه طويل تتوسطه تورتة مربعه ثلاث ادوار لونها ابيض و مزخرفة بورود برتقالية،توجد 4 شاشات كبيرة موزعة باطراف القاعة معلقة بالحوائط تعرض ما يصور.
في الجهة المقابلة للعريس و العروسة بعد مساحة الرقص توجد الترابيزات التي تكونها و هي حوالي عشرة ترابيزات متفرقة كل ترابيزة و كراسيها مغطاه بمفارش بيضاء حولها شريط برتقالي وفي منتصف كل ترابيزة باقة ظهور يغلب عليها اللون البرتقالي يجلس الي كل ترابيزة بعض الاشخاص مختلفي الاعمار ، و توجد ترابيزتين فقط اسر وباقي الترابيزات اما شباب فقط اوبنات فقط او شباب و بنات و معظمهم في اعمار مقاربة للعروسين.
تعطي زينب نظارات لاخر شابين
تظهر عند باب القاعة تشاهد الفرح نفس الفتاة التي كانت تشاهد الفرح الاخر.
صوت اغنية جانجم ستايل
يبدأ الشباب بالرقص ، يسحب احدهم زينب من يدها و يشير لها لترقص مثلهم،فتأتي فتاة و تدفع زينب بعيدا و تنظر للشاب بغضب.ويبدأو بالشجار
تتوقف الأغنية، ويبدأ صوت الاشخاص الذين يحاولون التهدئة بين الفتاة و الشاب
ينظر فتي الدي جاي لزينب بأسف،فتشيرله و تحرك شفتها للجانب محاولة الابتسام.
مشهد خارجي/ليل/خارج الفندق من الامام:
يظهرالنيل وحركة السيارات العادية .
مشهد داخلي /ليل/قاعة الافراح:
نفس ديكورات الفرح البرتقاليه
تظهر نفس الفتاة التي كانت تنظر من الخارج عند باب القاعة من الداخل.
يربط الشباب رأسهم بالطريقة الصعيدية ، علي الجانب يقف اثنان منهم يتناقشان بحده
موسيقي صعيدي
يمسك الشباب العصيان ليبدؤا بالرقص ، فيمسك هذان الشابان العصيان و يضرب احدهم كتف الاخر فيرد الاخر بضرب رأسه و يبدؤا شجار ، تبتعد زينب للخلف اكثر و هي تنظر مذعورة.
مشهد خارجي/ليل/خارج الفندق من الامام:
تمر صورة مسرعة للنيل وحركة السيارات ثم يتغير الليل الي نهار ثم الي ليل .
مشهد داخلي/ليل/قاعة الأفراح:
نفس قاعة الافراح لكن تغيرت بعض الألوان
قاعة حيطانها مغطاه بورق حائط ابيض مزخرف ، الاضائة سبوتات بالاسقف تعطي اضاءة بيضاء والاضائة الرئيسية من سبوتات موجودة باطراف القاعة معلقة بعمدان سوداء ايضا مكونة لمسرح امام الكوشة ارضيته مربعات زجاجية مضيئة بضوء ابيض يتغير الي الاخضر احياناً بمنتصف القاعة يوجد للخلف قليلا الكوشة وهي عبارة عن كنبه لونها ابيض ولا يوجد لها اطار مربوط بطرفها من اعلي شريط أخضر يجلس عليها العريس و العروسة .علي اليسار علي الطرف يوجد بوفيه طويل تتوسطه تورتة مربعه ثلاث ادوار لونها ابيض و مزخرفة بنقاط خضراء،توجد 4 شاشات كبيرة موزعة باطراف القاعة معلقة بالحوائط تعرض ما يصور.
في الجهة المقابلة للعريس و العروسة بعد مساحة الرقص توجد الترابيزات التي تكونها و هي حوالي عشرة ترابيزات متفرقة كل ترابيزة و كراسيها مغطاه بمفارش بيضاء حولها شريط أخضر وفي منتصف كل ترابيزة باقة ظهور يغلب عليها اللون الاخضر يجلس الي كل ترابيزة بعض الاشخاص مختلفي الاعمار، يوجد ترابيزتين فقط اسر وباقي الترابيزات اما شباب فقط اوبنات فقط او شباب و بنات و معظمهم في اعمار مقاربة للعروسين.
الفتيات واقفات علي جبهتهم الحسنة مرتديات الساري بعضهم مازال يربطها، و البعض مازالت زينب توزع السواري عليهم،من ضمن الفتيات الفتاة التي كانت تراقب في الفرحين السابقين تعطيها زينب الساري
الفتاة:اسمك ايه؟
زينب:زينب
تفتح الفتاة فمها لتكلمل حديثها يقاطعها قدوم سيدة كبيرة تسحب زينب من ذراعها
السيدة:مفيش ساري ليا انا كمان ولا ايه؟
زينب:لا طبعاً اتفضلي.
تأخذ السيدة الساري و تضع لها زينب الحسنة و تلف السيدة الساري حول وسطها تأتي فتاة و تسحبها من يدها
الفتاة:ماما ايه اللي بتعمليه ده
الام:ايه هو انا ماليش نفس
صوت موسيقي هندية
تبدأ السيدة بتحريك ذراعيها كبداية لرقص هندي،تنظر الفتاة لوالدها فيذهب باتجاه باب القاعة
تبدأ جميع الفتيات والسيدة بالرقص و تشاركهم زينب بابتسامه واسعه.
يأتي زوج السيدة والد الفتاة و معه المدير،يشير المدير الي الدي جاي
تتوقف الموسيقي
يتوجه المدير لزينب.
المدير: خلاص كفاية كده لمي السواري دي و تعالي ورايا بسرعة
مشهد داخلي/ليل/خارج قاعة الافراح:
المدير:انتي مش بس ملقتيش حل
ده انتي كمان بتعملي مشاكل و بتبوظلنا الافراح
زينب:انا كنت بس
المدير:متقوليش حاجة خلاص مع سلامة يا زينب
ويتركها و يدخل القاعة.
مشهد داخلي/ليل/منزل زينب/الصالة:
سهي و هند جالستان علي الكنبة
بمجرد دخول زينب من الباب تقف هند
هند:ايه؟
تحرك زينب رأسها ليمين قليلا و اليسارقليلا وهي تنظر لاسفل بحزن.
و تاتي و تجلس علي الكنبة في المنتصف و تسند راسها لمسند الكنبة و تنظر في اتجاه الشباك بحزن وتسيل دمعه من عينها
تنظر سهي الي زينب ثم الي هند بقلق.
مشهد خارجي/ليل/الحارة التي تسكن بها زينب .
صورة للحارة وحركة الاشخاص بها يتغير الليل الي نهار اكتر من مرة بسرعة ،ثم تقترب الصورة الي المبني الذي به شقة زينب حتي شباكها و تظهر ستائرهم من الخارج وزينب جالسة علي الكنبة.
مشهد داخلي/ليل/شقة زينب/الصالة:
تجلس زينب علي الكنبة مرتدية جلباب قطني و تمدد ساقها علي الطاولة امامها تنظر في اتجاه التلفاز لكنها شاردة
صوت التلفاز
تدخل والدة زينب من باب الشقة.
أم زينب مستهزءة:قاعدة كده ليه الافراح خلصت
زينب بقرف:لأ مشوني مالشغل
تجلس ام زينب الي جوارها علي الكنبة فتتزحح زينب الي الطرف.
أم زينب وهي تشير بيدها:ومدورتيش علي شغل ليه بدل القاعدة دي
زينب:دورت كتير عايزين شهادة جامعة و خبرة وانا ولا معايا دي ولا دي.
تصمت ام زينب قليلاً
أم زينب:عارفة مين جتلنا النهاردة
زينب لا تنظر اليها ولا ترد
أم زينب:مني مراة بشلة
ترفع حاجب وتهز راسها وهي تضحك
أم زينب:بقت ايه ،كانها طالعة مالتلفزيون لا و حامل في عيل تالت كمان
تضع يدها علي كتف زينب
أم زينب:عارفة بقو ساكنين فين
تنظر زينب ليد امها بامتعاض فتزيلها امها
أم زينب:بقوا ساكنين في حتة جميلة قوي كده مبيسكنهاش غير اغنية مقفولة علي نفسها
اسمها صعب شوية مش فاكره اسمها ايه تؤ مش مشكلة
بس بييجوا يزورونا بردو
احسن من ناس فالحارة اللي ورانا و عمرهم ما عتبوا عندنا
بقعد دايماً أقول لنفسي مش كان زمان زينب مكانها
تنهض زينب بسرعة واقفة و تنظر اليها بغضب
تفتح سهي باب الحجرة و تدخل الصالة بسرعة رافعة محمول بيدها في اتجاه زينب
صوت رنة موبايل
سهي:موبايلك بيرن بقالوا فترة
تمسك زينب الهاتف و تتجه ناحية النافذة و تنظر من خلالها ،يظهر خلفها الام وهي تسحب سهي من يدها لتسلم عليها و تتحدثان
زينب: ألو
صوت عبر الهاتف بسنت:أيوه يا زينب اسفة اني بتصل متاخر انا بسنت
زينب:ولا يهمك بس بسنت مين؟
صوت عبر الهاتف بسنت:فاكره الفرح اللي وزعتي فيه جيب هندي انا كنت بسالك علي اسمك
قبل ما تحصل المشكلة
يظهر علي وجه زينب التعجب ثم الاستياء عند ذكر المشكلة.
زينب:امم.. طب.. هو
صوت عبر الهاتف بسنت:تضحك بسنت متقلقيش انا خدت رقمك مالدي جاي اما عرفت انك
سبتي الفندق
عايزاكي في شغل.
تلف زينب في اتجاه الصالة
زينب:شغل ايه؟
تقفز سهي فرحا،فتلف زينب في اتجاه الشباك مرة اخري
صوت عبر الهاتف بسنت:انا بعمل شركة
Wedding planner
وشفت شغلك في اكتر من فرح حاسة انك حد مجتهد
بتحاولي وعندك افكار كويسة
تظهر من الخلف هند و قد خرجت من الغرفة و سهي تحدثها
تهز زينب رأسها
صوت عبر الهاتف بسنت وهي تضحك: صحيح كان حظك وحش شوية
بس هنظبط الدنيا سوا انا عايزاكي معايا في الشركة
زينب:بجد
صوت عبر الهاتف بسنت:اه بجد هبعتلك ماسدج فيها العنوان
تجيلي عليه بكرة الصبح
تلف زينب في اتجاه الصالة و يصبح ظهرها للنافذة فتري اختيها تنظران اليها بحماس
فتهز زينب رأسها ايجاباً و هي تبتسم .
النهاية
Comments
Post a Comment