سمك لبن تمر هندي

دلوقتي انا جييت للجزء الصعب و المحرج اني انشر حاجة مكنتش عايزة حد يشوفها  حاجة ليها علاقة بحاجات جوايا مبيبقاش سهل اني اتكلم عنها  في معظم الاحيان بحاول ابين اني شخص صلب تماماً و اني عملية و مبتأثرش بأي نوع من المشاعر خاصة الرومانسي منها نادراً اما بحب اتكلم عن الجزء ده او ابينه عشان ميبانش ضعفي الحقيقي و عبطي و هبلي الصراحة لان بالرغم من الوعي و الحكمة اللي بحاول كتير ادعيهم انا فالحاجات دي عبيطة جدا زيادة عن اللزوم اللي هو شئ محرج الصراحة  فغالباً بدعي عدم وجود الجزء ده في حياتي او تفكيري عشان مضطرش احكي قصص عبيطة عنه تبين اد ايه ان انا برغم السن ده اعتبر طفله ساذجة اما الموضوع بيتعلق بالاعجاب او الحب او المشاعر اللي من النوع ده المهم نتكلم عن السيناريو ده ابتديت اثناء الورشة و بعدها تجيلي افكار لقصص و سيناريوهات ابقي اكتبها بعدين يمكن من قبلها كمان كانت بتجيلي افكار عبيطة  كتير مكنتش بفكر اكتبها بس يعني اما كتبت فالورشة و اتقالي ان كتاباتي قابله للقراءة ده شجعني للاسف اكتب 😃 بعد الورشة المدرب اخد كل واحد فينا يتكلم معاه لوحده شوية ...

زي ما حكيت كان المدرب في ورشة السيناريو ادي لكل واحد فينا قصة عبارة عن سطرين يكتب منها سيناريو فيلم قصير  القصة اللي المدرب ادهالي كانت عن كبارية و حاجات كده و املوضوع ده كان مدايقني شوية وقتها لان لقيت باقي قصص البنات رقيقة و حب و حاجات لطيفة(بس الصراحة هو الوش اللي انا كنت مدياه مش رقيق خالص 😁) ، وانا وقتها قلتله :انت مديني حاجة فيها قتل واني مش عايزة حاجة فيها قتل، قالي: تحبي اغيرهالك؟ فكرت انه لو غيرها و كتبتها وحش هيقولي يعني غيرتهالك و بردوا كتبتيها وحش فقلتله لا متغيرهاش بس انا اللي هتتقتل هتبقي .واحدة شريرة (وكنت عماله افكر يوم ما كتبت لاني مكنتش حساها حلوه( دايما بشوف اللي بكتبه او اللي بعمله مش حلو لحد ما حد يقولي انه حلو انه لو قالي انه وحش هقوله انت اللي ادتني قصه مش عجباني واللي حصل ان كان اختياره ليا يعتبر  مناسب  لأن القصة دي محتاجة تفاصيل في مشهد النهاية و المدرب  وجهني لده شوية و الحمدلله كتبتها كويس وده علي حسب رأي المدرب و بعض زمايلي و هتشوفوا بعدين ان انا ممكن منفعش اكتب حاجات رقيقة و رومانسية اصلاُ 😆 واني تقريباً المفروض اكتب ...

فاكرين اما قلت :"و بعد كده اتقسمنا مجموعات عشان نكتب فيلم سوي للاسف كنت رئيسة المجموعة و الحمدلله المجموعة كانوا منفضنلي كان في شوية افكار بعد كده اما عرضناها علي المدرب اختار فكرتي بعد كده حاولنا نشتغل عليها سوا و بعد كده المدرب خلانا ناخد السيناريو في اتجاه مختلف ، ففي اخر محاضرة كتبتها بناء علي روئيته كان طلب مننا نكتب سيناريو بس اما طلب ده كان عاليوم اللي قبلها علي طول فكتبتها و بعتها المهم البوست اللي بعد الجاية هنشرها "و اتمني ان يوم مالايام اكتبها علي حسب رؤيتي ليها مع اني مش فكراها قوي هو الاختلاف كان في شوية مشاهد طبعاً مش فاكرين محدش بيقرا اصلاً ماعلينا 😁 ده السيناريو اللي المفروض اشتركت فيه انا و المجموعة (شيماء و محمود و نرمين)  و تحت اشراف محمد المدرب بتاعنا محمود كان رأيه ان الفكرة مشابهة لفيلم علي معزة و ابراهيم بس ولا انا ولا المدرب كنا شفناه قبل كده  و انا و محمود كنا كتبنا كام مشهد بس كانوا اكتر رايحين لاتجاه عكس اللي فدماغي خالص و كنا مسميين الفرخة سلوي فسمينا الفيلم عقدة سلوي  سلوي دي كانت مديرتي وقتها و كانت صعبة جداً  مش عارفة...

زي ما قلت المرة اللي فاتت : المحاضرة الرابعة كان المفروض نوصل لمشهد معين في مشاهدة فيلم the fundmental of caring و بعدها نكتب مشهد ننهي بيه الفيلم هو اللي فهمته وقتها ان المفروض نكتب مشهد واحد في ناس كتبوا اكتر من مشهد ما علينا المهم ال post الجاية هحط المشهد اللي كتبته. دلوقتي هحط المشهد اللي اتكلمت عليه  هبقي احاول اترجمه بعدين يبقي اوقع بنفس لغة الفيلم ممكن ابقي احاول اعدله حالياً هحطه بس عشان عايزة انام الصراحة 😅 مشهد خارجي -نهار- طريق  - داخل السيارة يتفق بين و تريفور علي ايصال دوت و بيتشيز لمحطة الحافلات ثم العودة بدون رؤية الحفرة الكبيرة. السيارة التي كانت تراقبهم في الخلف تطاردهم داخل السيارة يتجادل بين و تريفور تريفور صارخاً: هل ستنتهي حياتنا بسبب جبنك  و عدم قدرتك علي مواجهة الموقف و توقيع اوراق الطلاق لزوجتك . بين بتوتر وعصبية: ليس هذا الوقت المناسب للجدال . تريفور: ومتي سيكون  ذلك توقف ووقع الاوراق  و انهي الامر. بين صارخا : هذا قراري لا دخل لك . تريفور صارخا: وماذا عن تدخلك في حياتي  و ما تعرضت ل...