أما بنعدي بياخدوا علي كده

انك اذا اكرمت الكريم ملكته و اذا اكرمت اللئيم تمرد

ماما دايماً بتقولنا البيت ده

بس نعمل ايه يا ماما اما كله الايام دي بقي لئيم

يعني احنا بنتصرف باخلاقنا و نعامل الناس حلو علي اساس هيكرمونا و يعاملونا حلو

بس فالاخر بيعملونا اسوأ مالاول 

و بياخدوا عالحلو ده كأنه حق مكتسب مش كرم

زي اما بنسكت و نسامح في حقوقنا الناس بتعاملنا كأن ده اللي لازم نعمله دايما مش ان احنا عملناه مره 

قدرونا بقي لا ده بيضغطوا عليك عشان تعملها تاني و تالت و خمسين

ولا في احساس ولا تقدير 

محدش فيهم بيكرمنا زي ما كرمناه عالاقل

ان حلو يقابلوه بحلو

ده بالعكس اللي بيتعامل وحش تقريبا بيعاملوه احسن

حاجة تخنق الواحد بقي بيلوم نفسه عالكويس اللي بيعمله 

بدل ما يلوم غيره علي قلة الاصل

و هتلاقي الناس اللي بتنصح دايماً هتلومك عالكويس بردوا

محدش هيلوم اللي ظلمك و جه عليك 

محدش هيقدر

مش عارفة انصح و اقول نبقي وحشين و منعاملش حد حلو

ولا عارفة اقول نفضل كويسين لان بالدنيا دي بقي في ظلم لينا

ربنا يتولانا بقي