سمك لبن تمر هندي

كان في واحد صاحبي كل ما اقوله بتفرج علي فيلم هندي او مسلسل تركي يشتم بس عشان مبيحبش الجنسيتين دول لانه اما سافر تركيا سياحة محبش الاتراك و اما اشتغل فالخليج كره الهنود كنت بقوله يبطل عنصرية كان بيقولي كلنا عنصريين كنت بقوله عالاقل بنحاول منبقاش كده لحد مرة سافرت مع اهلي نصيف في مكان مروحناهوش من سنين حكيتله اني محبتش المكان عشان زحمة سألني زحمة عاملة ازاي كويسة ولا بيئة ساعتها ضغطنا علي نقطة العنصرية اللي عندي لان السبب اللي خلاني محبش المكان كان نوع الزحمة اللي فيه فعلاً اينعم انا مبحبش الزحمة عامةً بس الحوار ده خلاني اتكسفت من نفسي جداً فكلنا فعلاً عنصريين بس اهم حاجة نحاول في سفريتي اللي فاتت قابلت اتراك كتير و حبتهم كلهم وانا حالياً فالهند و قابلت ناس وحشة و ناس كتير حلوة و فالسفريتين قابلت مصريين وحشين جداً و قابلت مصريين حلوين جداً و قابلت مصريين فالسفرية الاولى اكتر حاجة كرهوها عدد المصريين الكتير اللي معانا و مصريين تانيين مبيحبوش يخرجوا الا مع بعض المهم بالنسبة لي اني حاولت امسك العصاية مالنص اخرج مع دول و دول و مش عشان انسجم اتغير و اتحول لحد تاني عشان يقبلوني ...

كان عندي فكرة زي الفل الصبح راحت المفروض اول ما تجيلنا فكرة نكتبها فوراً الافكار بتطير اسرع من اي حاجة المهم روحت دورت في النوت بتاعة الافكار لقيتها كلها افكار منيلة زي ...

النهاردة بعد ما قمت و بستعد اني اروح الشغل بعتولي رسالة ان النهاردة اجازة مفاجأة كده و مش هلاقي حد يعمل معايا مخططات لخروج مفاجئ فكان الاحسن واللي كنت بعمله السفرية اللي ...

ده مش مجرد مثل شعبي ده شعار و مبدأ ماشي بيه ناس كتير يسبقوا و يتخانقوا و يطلعكوا غلطانين و كل القصة ان هما اللي سبقوا و بدأوا فالاتهام و هتلاقي ناس معاك فالشغل بيتقدروا اكت...

اخر الاسبوع او الويك اند  حاجة مهمة جداً بالنسبة لي  دايماً بحب احاول اخرج او اقضيهم باحسن طريقة ممكنة عشان اقدر استحمل الاسبوع اللي بعدها  و ممكن عشان انسي الاسبوع اللي فات احاول اضيع التعب و التوتر اللي عدوا عليا  بس ساعات بيعدوا من غير اي لازمة باسباب زي : -الفلوس 💰 :مع ان في خروجات بسيطة زي اي تمشية زي ان نركب مواصلات في اكتر من حاجة ممكن متكلفش  بس الواحد بقي بيحس اما بيخرج الفلوس بتطير لوحدها، فاما الدنيا تبقي مازمة بنفضل نقعد فالبيت بكرامتنا  -الصحبة: هو الواحد ممكن يخرج لوحده ويتبسط عملتها كذا مرة بس ساعات اما بيتعود يخرج مع ناس بيلزم نفسه من غير ما يقصد بانه يخرج معاهم  و يستني بقي ظروفهم هما كمان مزاجهم و مزاجكم ايه ووجع راس كده  حد عايز يروح هنا حد هنا حد بطئ حد لكع حد يشل حد مفلس حد بيحب يتسنجأ حد فصيل حد مصر علي مكان معين كل مرة حد عايزنا نتجمع في بيته بس كل مرة  زهق  -التعب: العيا وارد عادي ان تعب الاسبوع يجي علي صحتنا منقدرش نتحمل نخرج مالبيت  او نعيا عادي دور برد زي الفل اي حاجة كده...

تعب و كسل و احباط و خطة رحلة فاشلة و شغل كتير مع عدم تقدير و زحمة و استني اولا ola(زي اوبر كده) تلت ساعة و يلغي فالاخر و زحمة ندالة و زحمة و احاول احجز اوبر او اولا مفيش مالزحمة المهم كل ده حاجات عادية و بتحصل بس بنتلكك بيها و بحاجات زيها زي ما كنت على وشك اني اعمل النهاردة عشان نوقف حاجة بداناها او نرجع لحاجة وحشة بطلناها كم مرة وقفنا حاجة كويسة او رجعنا في قرارت تغيير كنا اخدناها زي ان نسيب شغل مدمر روحنا عشان حجج زي دي و ساعات حجج اقوي بس في الاغلب بيبقي الكسل نبطل كسل بقي انا ارجع ارسم و ارجع اتدرب تنس  و ارجع الجيم و ارجع اقرا اكتر و........ و ابدا اتعلم...... ياتري في معركتي كانسانة ضد الكسل مين هيفوز؟

طبعاً ده مبدأ أساسي في حياة ناس كتير  بس بيظهر أكتر فالسفر موضوع الناس اللي بيعرفوك بس عشان المصلحة بيزيد أكتر بكتير  فالسفر بيبقي في زي مكبر صورة علي أخلاق كل واحد حلوة أو وحشة  عشان كده بيتقال :تعرف فلان  اه.. سافرت معاه لأ.. يبقي متعرفوش بتحس كأن القيامة قامت كله نفسي نفسي بأبشع طريقة و الاستندال بيظهر مالناس اللي معاك و اللي في بلدك يعني هتلاقي ناس هتكتشفك فجأة و نفسها تشوفك بس عشان يعرفوا سافرت ازاي او تجيبلهم حاجة و بعدها يختفوا أما اللي حواليك فأكبر استهبال بيكون فالفلوس تلاقي اللي يصرفوا من غير حساب و معتمدين بس عليك  و انت واثق انك لو مكانهم محدش فيهم هيعبرك و بتحصل بس بنطلع مالتجارب دي  طبعاً باننا بنقلل ثقتنا فالناس أكتر ما هي ضايعة أصلاً و بنبتدي نفوق شوية نبقي أحرص ناخد بالنا أكتر والناس اللي بنعرفها فالسفر و يطلعوا كويسين بتبقي أحسن معرفة عرفتها في حياتك لأنك سافرت معاهم و شوفتهم في الوقت اللي الناس بتتغير فيه للأوحش عامةً معرفة الناس دايماً مكسب حتي لو كانوا مقرفين أدينا بنتعلم 

أنا ليه أصلاً بدأت البلوج دي و بوجع دماغكوا؟ الفكرة كانت اما جيت الهند و الشركة اللي جاية أتدرب فيها معقدني زي قرد قطع مبعملش حاجة و كمان عشان أشجع نفسي أكتب و اكتب كل يوم اللي هو فكرت ألزم نفسي بالكتابة زي فيلم  Julie and Julia      https://youtu.be/ozRK7VXQl-k واني أوثق رحلتي بدل اما رجعت من أوكرانيا حاولت أوثقها و كسلت بعد كده ومكملتش مصيبة حياتي اني مبكملش حاجة بزهق بسرعة وفي نفس الوقت مبنسهاش  بتفضل تطاردني اني لازم أكملها اقوم مالاحباط مكملش حاجة تانية انا ابتديتها أصلاً حاجة بشعة جداً المهم أنا أصلاً قربت أخلص فترة التدريب بتاعتي و أرجع مصر و نقلت هنا شركة تانية بقيت مضغوطة فيها فالشغل الا أوقات قليلة زي اللي سمحت فيها لخيالي يشجعني و ابتدي البلوج دي و ارجع اكتب بس فكرة ان الواحد يبقي حابب يعمل حاجة و في نفس الوقت صعب يلاقي روح يعملها بتخنق قوي و بقت منتشرة انا معرفش ليه بقينا كده أما فركت أعمل البلوج حد من أصحابي شجعني و حد تاني قالي اعملي فيديوهات هتكون أحسن  قمت انا معملتش حاجة خالص لحد ما فات 3 شهور اهه ما شاء ...

معرفش هكتب عن ايه تحديداً  انا بس هحاول أعبرعن الزحمة و اللخبطة اللي في دماغي ممكن كتابتها هنا تخليها مرتبة اكتر و مفهومة بالنسبه لي هل ده هيفيد حد؟ معرفش هل هيفيدني شخصياً؟ دي حاجة في علم الغيب بس اعتقد اه يمكن ده جزء ماللخبطة صعب اقول اجابة محددة لأي سؤال دايماً في احتمالات و تحليلات صعب موقف يعدي و مفكرش فيه كذا مرة صعب أحدد الحاجات اللي بحبها بس سهل أحدد ايه اللي أنا مش طيقاه أتمني لكم حياة أفضل و دماغ أروق  و عقل أهدي